Ermənistan yığması seçmə mərhələnin oyunlarına gedə bilmədi
21 yaşadək futbolçulardan ibarət Ermənistan yığması Avropa çempionatının seçmə mərhələsində İsveç və İslandiya ilə keçirəcəyi oyunlar üçün Kiprə yollana bilməyib.
Sportline.az xəbər verir ki, bu haqda federasiyanın rəsmi saytında məlumat yer alıb. Buna komandanın bir neçə oyunçusunun koronavirusa yoluxması səbəb olub. Qurum uyğun yaşda olan yeni futbolçuların qısa müddətdə ölkəni tərk etməklə bağlı icazənin alınmasında çətinliyi nəzərə alaraq bu addımı atıb.
Yığmanın görüşləri Larnaka şəhərindəki Antonis Papadopoulos stadionunda olmalı idi. UEFA məsələ ilə əlaqədar Ermənistana rəqib olan ölkələrin federasiyalarını məlumatlandırıb.
