“Fənərbağça” “Olimpiakos”la görüşə itkisiz çıxacaq
“Fənərbağça” klubu UEFA Konfrans Liqasının ¼ final mərhələsində “Olimpiakos”la oyuna itkisiz çıxacaq.
Sportline.az Sporx.com-a istinadla xəbər verir ki, uzun müddətdir zədədən əziyyət çəkən Fred və İsmail Yüksek komandanın məşqlərinə qatılıb. Hazırda fiziki hazırlıq məşqləri keçən Coşua Kinqin də ¼ final görüşünə kimi hazır olacağı bildirilib.
Braziliyalı yarımmüdafiəçi Fred də komandaya kömək edə biləcəyi üçün sevindiyini deyib.
Qeyd edək ki, “Fənərbağça”-“Olimpiakos” görüşü aprel ayının 11-də, Bakı vaxtı ilə sat 20:45-də keçiriləcək.