Fyuri, yoxsa, Usik? Mayk Tayson favoritini açıqladı

Boks üzrə sabiq mütləq dünya çempionu Mayk Tayson Aleksandr Usiklə Tayson Fyurinin qarşıdakı döyüşü ilə bağlı fikrini açıqlayıb.

Sportline.az xəbər verir ki, məşhur boksçu revanş görüşünün əvvəlkindən fərqlənəcəyinə ümid bəslədiyini bildirib.

"Usik ilk döyüşdə hamını təəccübləndirdi. Fyuri bu dəfə rəqibə daha ciddi yanaşmalıdır. Ümid edirəm ki, ikici qarşılaşmanın nəticəsi fərqli olacaq", - deyə Tayson "Give me Sport"a Fyurinin qələbəsini ehtimal edib.

Qeyd edək ki, Usiklə Fyurinin revanş döyüşü dekabrın 21-də Ər-Riyadda keçiriləcək.