"Hamı "Ferentsvaroş"dan Çempionlar Liqasının qrupunu gözləyir"
"Bu, Macarıstan çempionu üçün yaxşı püşkdür".
Sportline.az xəbər verir ki, bunu rusiyalı məşqçi Rəşid Rəhimov UEFA Çempionlar Liqasının III təsnifat mərhələsinin "Qarabağ" – "Ferentsvaroş" cütü ilə bağlı fikirlərini bildirərkən deyib.
Milliyyətcə tacik olan 57 yaşlı mütəxəssis "Qarabağ"la oyunlarda Macarıstan əhalisinin qələbə gözlədiyini bildirib: "Macarıstanda hamı bu komandadan qrup mərhələsinə vəsiqə qazanmağı gözləyir. "Ferentsvaroş" digər nəticəni tanımır".
Qeyd edək ki, bu gün saat 20:00-da tərəflərin ilk dueli Bakıda – Tofiq Bəhramov adına Respublika stadionunda baş tutacaq. Cavab qarşılaşması avqustun 9-da Macarıstanın paytaxtı Budapeştdə keçiriləcək.
