"Indian Wells" turniri sona yaxınlaşır
“Indian Wells” tennis turnirində mübarizə sona yaxınlaşır.
Sportline.az xəbər verir ki, kişilərin yarışında 1/4 final mərhələsinin oyunları keçirilir. Artıq ilk 2 görüş yekunlaşıb. Britaniyalı Kemeron Norri argetninalı Dioqo Şvortsmanla qarşılaşıb. Əksəriyyət cənubi amerikalının qələbəsini gözləsə də, rəqibi buna imkan verməyib. Hər iki stedə qalib gələn Norri yarımfinala yüksəlib.
Digər dueldə bolqarıstanlı Qriqor Dimitrov polşalı Hubert Hurkaçla üz-üzə gəlib. Gərgin mübarizənin sonunda bolqarıstanlı raketka ustası əmzkar qələbə qazanaraq adını yarımfinalçılar siyahısına yazdırıb.
Qadınların mübarizəsində də maraqlı duellər olub. Tunisli Uns Cabir estoniyalı Anet Kontaveytlə yarışıb. Hər iki setdə qalib gələn Tunis tennisçisi mərhələ adlayıb.
Digər oyunda isə almaniyalı Anjelika Kerber ispaniyalı Paula Badosa Xibertlə qarşılaşıb. Paula da hər iki setdə rəqibini məğlub edərək yarımfinal mərhələsinə yüksəlib.
