"İnter"in oyunçusu "Real" və "Barsa"nın hədəfində
Madrid "Real"ı və "Barselona" "İnter"in kolumbiyalı müdafiəçisi Ceyson Murilyonu transfer etmək niyyətindədir. SportLine.az "Gazzetta dello Sport"a istinadən xəbər verir ki, komandalar futbolçunun keçidi üçün 30 milyon avro ödəməyə hazırdırlar.
Futbolçunun meneceri Murilyonun "İnter"lə müqaviləsinin olduğunu xatırladaraq heç bir klubdan rəsmi təklif almadıqlarını, ancaq bir neçə komandanın onunla maraqlandığını bildirib.
Qeyd edək ki, 23 yaşlı müdafiəçi bu ildən Milan klubunun şərəfini qoruyur.
