Kelleher "Liverpul"dan ayrılacaq

"Liverpul"un irlandiyalı qapıçısı Kelleher mövsümün sonunda klubu tərk edəcək.

Sportline.az "Football İnsider" nəşrinə istinadən xəbər verir ki, "Nyukasl" və "Çelsi" Kelleheri transfer etmək üçün yarışa girib.

26 yaşlı kiper üçün "Liverpul" 30 milyon avro tələb edir.

Qeyd edək ki, Kelleher bu mövsüm 17 rəsmi matçda iştirak edib. Qapısında 15 qol görüb.

Onun "Liverpul"la müqaviləsi 2026-cı ilin yayına qədərdir.