KONKAKAF Millətlər Liqasının qalibi məlum oldu

KONKAKAF (Şimali və Mərkəzi Amerika və Karib Hövzəsi Futbol Konfederasiyası) Millətlər Liqasının qalibi müəyyənləşib.

Sportline.az xəbər verir ki, finalda Kanada seçməsinə 2:0 hesabı ilə qalib gələn ABŞ millisi titula sahib çıxıb.

Qolları 12-ci dəqiqədə Kris Riçards və 34-cü dəqiqədə Folarin Balaqun vurublar.

Üçüncü yer uğrunda görüşdə Panama seçməsini 1:0 hesabı ilə məğlub edən Meksika kollektivi isə bürünc medal qazanıb.

Qeyd edək ki, KONKAKAF Millətlər Liqasının bundan əvvəlki qalibi də ABŞ yığması olub.