“Liverpul” – “Real Madrid”: Düşərgələrdəki son durum
Bu gün UEFA Çempionlar Liqasında 5-ci tura yekun vurulacaq.
Sportline.az xəbər verir ki, gecənin mərkəzi matçı “Enfield Roud” stadionunda keçiriləcək. “Liverpul” “Real Madrid”lə münasibətləri aydınlaşdıracaq. Heyətlərə nəzər saldığda “Liverpul” klubunda əsas itki qapıçı Alisson Beker, Dioqo Jota, Kostantinos Tsimikas, Federiko Kieza və Harvi Eliyot olmaması baş məşqçi Arne Slotu qayğılandırmaya bilməz.
“Real Madrid”də İngiltərəyə itkilərlə yollanıb. Komandanın əsas ulduzu Vinisius Junior zədə səbəbindən matçı buraxmalı olacaq. Vini ilə yanaşı Orelyan Çuameni, Rodriqo, Eder Militao, David Alaba və Dani Karvaxal baş məşqçi Karlo Ançelottinin sərəncamında olmayacaq.
Görüşü fransalı hakim Fransua Leteksi idarə edəcək.
Qeyd edək ki, “Liverpul” – “Real Madrid” matçı bu gün Bakı vaxtı ilə saat 00:00-da başlanacaq.
