Mahir Emreli Xorvatiya Super Kuboku uğrunda matçı buraxacaq

Azərbaycan millisinin və Zaqreb "Dinamo"sunun futbolçusu Mahir Emreli "Hayduk"a qarşı Xorvatiya Super Kuboku uğrunda oyunu buraxacaq.

Sportline.az xəbər verir ki, bu barədə komandanın baş məşqçisi Ante Çaçiç açıqlama verib.

O bildirib ki, 25 yaşlı hücumçu zədədən yeni qayıtdığı və hazır olmadığı üçün matçın iştirak ərizəsinə salınmayıb.

Qeyd edək ki, iyulun 9-da "Maksimir" stadionunda oynanılacaq "Dinamo" - "Hayduk" matçı Bakı vaxtı ilə saat 22:00-da başlayacaq.