"Mançester Siti"dən antirekord

"Mançester Siti" klubu UEFA Çempionlar Liqası tarixində yeni antirekord müəyyənləşdirib.

Sportline.az "Opta" nəşrinə istinadən məlumatına görə, bu, Liqa mərhələsinin V turunda evdə Niderland təmsilçisi "Feyenoord"la oyuna təsadüf edib.

"Şəhərlilər" öndə olsa da, qələbəni əldə verib.

Mançester təmsilçisi ÇL tarixində 75-ci dəqiqədə 3:0 hesabı ilə öndə olan, lakin qalib gələ bilməyən ilk komanda olub.

Qeyd edək ki, qarşılaşma 3:3 hesabı ilə başa çatıb. "Mançester Siti" bütün turnirlərdə ardıcıl 6 oyundur qələbə qazana bilmir.