Manuel Noyerin Dünya çempionatındakı diqqətçəkən statistikası

Almaniya millisinin təcrübəli qapıçısı Manuel Noyer Dünya çempionatlarında maraqlı statistika ilə gündəmə gəlib.

Sportline.az "Lequipe" nəşrinə istinadən xəbər verir ki, Noyer Dünya çempionatındakı son 9 oyununda ümumilikdə 13 qol buraxıb. Onun statistikaları bunlardır:

Meksikaya qarşı – 1 qol - 2018

İsveçə qarşı – 1 qol - 2018

Cənubi Koreyaya qarşı – 2 qol - 2018

Yaponiyaya qarşı – 2 qol - 2022

İspaniyaya qarşı – 1 qol - 2022

Kosta Rikaya qarşı – 2 qol - 2022

Kurasaoya qarşı – 1 qol - 2026

Fil Dişi Sahilinə qarşı – 1 qol - 2026

Ekvadora qarşı – 2 qol - 2026

Maraqlıdır ki, alman qolkiperin Dünya çempionatında qapısını sonuncu dəfə toxunulmaz saxladığı oyun 2014-cü ildə keçirilən final matçı olub.

Həmin görüşdə Almaniya millisi Argentinanı məğlub edərək Dünya çempionu olmuş, Manuel Noyer isə qapısını toxunulmaz saxlamışdı.

Bu statistika göstərir ki, 2014-cü il finalından sonra Noyer Dünya çempionatlarında keçirdiyi heç bir oyunda qapısını toxunulmaz saxlaya bilməyib.