Mayk Tayson ən güclü boksçunu açıqladı

Boks üzrə sabiq mütləq dünya çempionu Mayk Tayson superağır çəkidə ən güclü boksçunun adını açıqlayıb.

Sportline.az xəbər verir ki, "dəmir Mayk" Boxing Social nəşrinə açıqlamasında bu ada Tayson Fyurini layiq görüb.

"Fyuri bütün dövrlərin ən yaxşısı olmasa da, hazırda ondan güclüsü yoxdur. O, artıq dahidir. Məğlubedilməz idmançını boksun sensasiyası hesab edə bilərik", - deyə Mayk Tayson bildirib. 

Qeyd edək ki, Fyuri rinqə çıxdığı 34 görüşün 33-də (24 nokaut) qələbə çalıb. Yalnız bir döyüş heç-heçə başa çatıb.