Mayk Tayson Fyurini dəstəkləyəcək

Sabiq mütləq dünya çempionu Mayk Tayson Usik - Fyuri duelində kimi dəstəkləyəcəyi ilə bağlı sualı cavablandırıb.

Sportline.az xəbər verir ki, boksun canlı əfsanəsi revanş görüşündə Tayson Fyuriyə azarkeşlik edəcəyini bildirib.

"Usik hazırda ən güclü ağırçəkili boksçudur. Amma mən bu qarşılaşmada Fyuriyə azarkeşlik edəcəm. Ümid edirəm ki, o, qalib gələcək. Niyə? Çünki, mən onun fanatıyam. Atası ona mənim adımı verib. Belə anda onu tək buraxa bilmərəm", - deyə Mayk "talkSPORT"a açıqlamasında bildirib.

Qeyd edək ki, Aleksandr Usiklə Tayson Fyurinin revanş döyüşü dekabrın 21-də Ər-Riyadda keçiriləcək.

İlk döyüş hakimlərin qərarına əsasən ukraynalının qələbəsi ilə nəticələnmişdi.