Millimiz sonuncu matçında da uduzdu

Qadın voleybolçulardan ibarət Azərbaycan millisi Avropa çempionatında sonuncu oyununu keçirib.

Sportline.az xəbər verir ki, Vüqar Əliyevin baş məşqçi olduğu kollektiv A qrupundakı beşinci sınağında Fransa yığması ilə qarşılaşıb.

Görüş rəqibin 3:1 hesablı qələbəsi ilə başa çatıb.

Avropa çempionatı

A qrupu

Azərbaycan - Fransa - 1:3 (19:25, 28:26, 11:25, 18:25)

Qeyd edək ki, Azərbaycan millisi A qrupundakı ilk dörd oyununda Belçika, Bosniya və Herseqovina, Rusiya və Serbiya seçmələrinə müvafiq olaraq 0:3 hesabı ilə uduzub. Xalı olmayan yığma qrupu sonuncu - 6-cı pillədə başa vurub.