Mörri və Nadaldan uğurlu start

ATP seriyalı tennis turnirində 2-ci günün görüşləri keçirilib. SportLine.az xəbər verir ki, yarışın favoritlərindən olan britaniyalı Endi Mörri və ispaniyalı Rafael Nadal ilk oyunlarına çıxıblar. Londondakı "02 Arena"da baş tutan qarşılaşmalarda favoritlər möcüzəyə imkan verməyiblər. 

İspaniyalı David Ferrerlə üz-üzə gələn Mörri 82 dəqiqə davam edən mübarizənin yekununda 2:0 qalib gəlib (6:4, 6:4).

Nadal isə bundan əvvəl 16 dəfə qarşılaşdığı və 3 dəfə məğlub olduğu isveçrəli Stan Vavrinka ilə münasibətlərə aydınlıq gətirib. Rəqibini hər iki setdə üstələyən ispaniyalı 2:0 (6:3, 6:2) hesablı qələbə qazanıb.