Mourinyo PSJ-ni çalışdırmağa hazırdır

"Roma"nın baş məşqçisi Joze Mourinyo PSJ-ni çalışdırmağa hazır olduğunu bildirib.

Sportline.az L'Equipe nəşrinə istinadən xəbər verir ki, portuqaliyalı mütəxəssis rəsmi təklif gələrsə növbəti mövsümdə Parisə köçmək niyyətindədir. 

Qeyd edək ki, 60 yaşlı mütəxəssis 2021-ci ilin iyulundan "Roma"nın baş məşqçisidir.

Onun rəhbərliyi ilə ötən mövsüm Konfrans Liqasını qazanan romalılar bu il Avropa Liqasının finalına yüksəliblər.