Pauerliftinq millimizdən dünya çempionatında möhtəşəm çıxış
Rusiyanın paytaxtı Moskvada pauerliftinq üzrə dünya çempionatında Azərbaycan millimiz yüksək nailiyyət qazanıb.
Sportline.az xəbər verir ki, Azərbaycan Pauerliftinq Federasiyasının baş katibi və idmançısı Hafiz Verdiyev deadlift növündə dünya çempionu olub.
Həmçinin tanınmış idmançılardan Ramil Əhmədov dünya çempionu adını qazanıb. Rövşən Xəlilov isə beşinci dəfə dünya çempionluğunu əldə edib. O bununla da peşəkar divizionda (ProDivision) çempion olan ilk azərbaycanlı idmançı olub.
Daxili İşlər Nazirliyinin İdman Cəmiyyətinin təcrübəli idmançısı Roman Əhmədov gümüş mükafat əldə edib.
Ümumilikdə medal qazanan idmançılarımız bunlardır:
Pauerliftinq – Hüseyn Hüseynov (-52 kq), Ramin Süleymanzadə (-60 kq), Fərdi Qurbanov (-82.5 kq, gənclər), Məhəmməd Hüseynov (-90 kq), Rövşən Xəlilov (-75 kq), Elvin Müzəffərov (-67.5 kq), Nihat Quliyev (-100 kq, gənclər), Ramil Əhmədov (-100 kq) – qızıl medal; Kamran Lazımov (-82.5 kq) – gümüş medal;
Deadlift – Namiq Mehdiyev (-90 kq), Raif Süleymanov (-90 kq, veteranlar), Hafiz Verdiyev (-100 kq), Nicat Xosrovzadə (-125 kq) – qızıl medal, Roman Əhmədov (-82.5 kq) – gümüş medal, Aydın Hümbətov (-125 kq) – bürünc medal.
