"Qarabağ" azarkeşləri üçün biletlər satışa çıxarılır
"Qarabağ"ın Norveçdə "Budyo Qlimt"ə qarşı keçirəcəyi UEFA Avropa Liqasının Liqa mərhələsi oyununun qonaq azarkeşləri üçün biletlər bu gündən satışa çıxarılır.
Sportline.az xəbər verir ki, bu barədə Azərbaycan çempionunun mətbuat xidməti məlumat yayıb.
Azarkeşlər biletləri saat 14:00-dan etibarən iTicket.az saytında əldə edə biləcəklər.
Fanatlar əldə etdikləri vauçerləri oyun günü saat 14:00-dan 16:00-a kimi "Scandic Havet" (Address: Tollbugata 5, 8006 Bode, Norge) otelinin məlumat şöbəsinə yaxınlaşaraq biletə dəyişməlidirlər. Biletlərin qiyməti 55 manatdır.
Qeyd edək ki, UEFA Avropa Liqasının Liqa mərhələsinin IV turunda, noyabrın 7-də keçiriləcək "Budyo Qlimt" - "Qarabağ" oyunu Bakı vaxtı ilə saat 21:45-də başlanacaq.
