“Qarabağ” – “Viktoriya” oyununa cəmi 224 bilet qalıb

UEFA Çempionlar Liqasının pley-off mərhələsi çərçivəsində keçiriləcək “Qarabağ” - “Viktoriya” (Plzen, Çexiya) matçına bilet satışı davam edir. 

Sportline.az Ağdam təmsilçisinin mətbuat xidmətinə istinadən xəbər verir ki, artıq biletlərin böyük əksəriyyəti satılıb. Hazırda satışa çıxarılan biletlərdən cəmi 224-ü qalıb. 

Qeyd edək ki, biletlərin qiyməti müvafiq olaraq 5, 15, 30, 50, 75 və 100 manat təşkil edir.
 
Biletlər Tofiq Bəhramov adına Respublika stadionun kassalarında, Iticket.az-ın satış məntəqələrində (iticket.az-da onlayn satış), “Park Bulvar”dakı “Qarabağ”ın fan-şopunda, eləcə də “28 mall” və “Gənclik mall” ticarət mərkəzlərində satılır.