Madrid "Real"ının tarixində növbəti yubiley
UEFA Çempionlar Liqasının 2023/2024 mövsümünün finalında "Borussiya" "Uembli"də "Real"la qarşılaşıb.
Sportline.az xəbər verir ki, Sloveniyalı referi Slavko Vinçiçin idarə etdiyi qarşılaşma “Kral klubu”nun qələbəsi ilə yekunlaşıb – 2:0. Hər iki qol ikinci hissədə vurulub. 74-cü dəqiqədə Dani Karvahal topu başla tora göndərib, 83-cü dəqiqədə isə Vinisius Junior fərqlənib.
Beləliklə, “Real” 1 illik fasilədən sonra və tarixində 15-ci dəfə Çempionlar Liqasının qalibi olub.
Karlo Ancelotti isə baş məşqçi kimi bu titulu 5-ci dəfə qazanıb.
Qeyd edək ki, "Real" UEFA Superkubokunun finalında Avroliqanın qalibi "Atalanta" ilə qarşılaşacaq.
