Ronaldu məşhur futbolçunu Ərəbistana səsləyir

İspaniya millisi və "Mançester Yunayted"in qapıçısı David de Xeya karyerasını Səudiyyə Ərəbistanında davam etdirə bilər.

Sportline.az xəbər verir ki, Kriştianu Ronaldunun da çıxış etdiyi "Əl-Nəsr" klubu onun xidmətində maraqlıdır.

"TBRFootball"un məlumatına görə, bu istək məhz Ronaldunun təklifindən qaynaqlanıb.

Komandanın hazırkl qolkiperi David Ospinanın bu yay klubu tərk edəcəyi gözlənilir.

"Əl-Nəsr" rəhbərliyi bu boşluğu De Xeya ilə doldurmağı planlaşdırır. 

Qeyd edək ki, ispaniyalı futbolçu 2023-cü ilin iyulundan bəri işsizdir.

Transfermarkt portalında onun transfer dəyəri 5 milyon avrodur.