Rusiya ilə Zambiya millisi arasında keçiriləcək yoldaşlıq görüşünün məkanı bəlli olub

Rusiya və Zambiya milli komandaları arasında keçiriləcək yoldaşlıq oyununun məkanı müəyyənləşib.

Sportline.az Sport.24.ru-ya istinadla xəbər verir ki, qarşılaşma Birləşmiş Ərəb Əmirliklərində keçiriləcək.

Bu barədə Zambiya Futbol Assosiasiyasının baş katibi Ruben Kamanqa məlumat verib.

Kamanqa Sport.24.ru-ya açıqlamasında "Federasiyalarımız yoldaşlıq oyunu ilə bağlı danışıqlarda irəliləyiş əldə ediblər, lakin hələlik bütün detalları rəsmi olaraq açıqlamamışıq. Rusiya millisi ilə BƏƏ-də oynaya bilərik, Dubay və Əbu-Dabidəki stadionları nəzərdən keçiririk. Bu seçimi əlverişli hesab edirik. Yekun razılığa gəlmək üçün müxtəlif tarixlərə baxırıq" fikirlərini səsləndirib.

Qeyd edək ki, Rusiya-Zambiya oyununun 2024-cü ilin payızında keçirilməsi nəzərdə tutulub.