Rüstəm Orucov çətin rəqiblə üz-üzə
2-ci Avropa Oyunlarında cüdo yarışları davam edir.
Sportline.az xəbər verir ki, bu gün Azərbaycan təmsilçilərindən Rüstəm Orucov (73 kq) mübarizəyə başlayıb.
Azərbaycanın yarışdakı bayraqdarı 1/16 finalda monteneqrolu Sedrik Bessini məğlub edib. O, rəqibini 57 saniyəyə ipponla üstələyib. Orucovun növbəti rəqibi 2016-cı il Rio-de-Janeyro Yay Olimpiya Oyunlarında qızıl medal qazanmış italiyalı Fabio Bazile olacaq.
Qadınların yarışında isə Nuriyyə Axundova (63 kq) 1/16 finalda rumıniyalı Stefania Adelina Dobreyə uduzaraq, mübarizəni dayandırıb.
Bu gün 73 kq çəkidəki daha bir cüdoçu Hidayət Heydərov 1/16 finalda macarıstanlı Mikloş Unqvari ilə qarşılaşacaq.
Qeyd edək ki, ilk yarış günündə Azərbaycanın 7 cüdoçusu medalsız qalıb.
