"Spartak"ın yeni baş məşqçisi Deyan Stankoviçin inanılmaz dünya rekordu
Moskva "Spartak"ı baş məşqçi postuna serbiyalı mütəxəssis Deyan Stankoviçi gətirdiyini açıqlayıb.
Sportline.az xəbər verir ki, 45 yaşlı çalışdırıcı Dünyada qırılması çox cətin olan bir rekordun sahibidir.
Deyan Stankoviç Dünya futbol tarixində ən çox xalla çempion olan baş məşqçidir.
O, bu inanılmaz uğura Serbiyada nail olub.
Belə ki, Stankoviç 2019-2022-ci illərdə "Srvena Zvezda" komandasını çalışdırıb.
Normalda 16 komanda ilə oynanan Serbiya Super Liqası 2020/2021 mövsümündə Koronavirus pandemiyasına görə 20 komanda ilə keçirilib.
Həmin mövsüm Stankoviçin rəhbərlik etdiyi "Srvena Zvezda" Serbiya Liqasını 35 qələbə , 3 heç heçə ilə tamamlayaraq 108 xalla naməğlub çempion başa vurub. Bu bir komandanın Dünya futbol tarixində bir mövsümdə topladığı ən çox xaldır.
Qeyd edək ki, Deyan Stankoviç "Srvena Zvezda"nı çalışdırdığı hər 3 mövsümdə də çempion olub.
