Tokio 2020: İlham Zəkiyevdən bürünc medal
Azərbaycan Tokio-2020 Yay Paralimpiya Oyunlarda daha bir medal qazanıb.
Sportline.az xəbər verir ki, paracüdo üzrə yığmamızın lideri İlham Zəkiyev (+100 kq) Paralimpiadada 3-cü yeri tutub.
O, təsəlliverici görüşə çıxıb. 100 kq-dan yuxarı çəki dərəcəsində mübarizə aparan ikiqat paralimpiya çempionu yamaykalı Teador Subba ilə üz-üzə gəlib. Rəqibinə qalib gələn Zəkiyev bürünc medal uğrunda qarşılaşmada özbəkistanlı Şirin Şaripovla qarşılaşıb. Zəkiyev qələbə qazanaraq bürünc medalın sahibi olub. Bu, Zəkiyevin karyerasında 4-cü Paralimpiada medalı olub. Millimizin lideri Afina-2004 və Pekin-2008-də qızıl, London-2012 və Tokio-2020-də bürünc mükafat qazanıb.
