"Trabzonspor" ulduz futbolçunu transfer etdi
"Trabzonspor" yeni transfer reallaşdırıb.
Sportline.az xəbər verir ki, trabzonlular Şimali Makedoniyadan olan Enis Bardhinin keçidini rəsmiləşdirib.
Klubun rəsmi saytı ulduz oyuncunun anlaşmasının detallarını açıqlayıb: "Levante" klubu ilə Enis Bardhinin klubumuza transferi ilə bağlı razılıq əldə olunub. Razılaşmaya əsasən, qarşı tərəfə 3 milyon avro ödənəcək. Bu məbləğ 3 il ərzində hissə-hissə ödəniləcək".
Qeyd edək ki, "Trabzonspor"un baş məşqçisi Abdullah Avcının təkidi ilə transfer edilən şimali makedoniyalı hücumameylli yarımmüdafiəçi 2017-ci ildə Macarıstanın "Uypeşt" klubundan 1,5 milyon avroya "Levante"yə keçib. İspaniyada ardıcıl 5 mövsüm çıxış edən Enisin qiyməti 2020-ci ildə 20 milyon avroya qədər yüksəlmişdi.
