"Turan Tovuz" 17-yə çatdı
Yeni mövsümdən Premyer Liqada çıxış edəcək "Turan Tovuz" heyətinə daha bir futbolçu cəlb edib.
Sportline.az klubun mətbuat xidmətinə istinadən xəbər verir ki, bölgə təmsilçisi "Sabah"ın futbolçusu Nazim Həsənzadəni icarəyə götürüb.
Yarımmüdafiəçi bir mövsüm Tovuz klubunda çıxış edəcək.
Qeyd edək ki, "Turan Tovuz" buna qədər Kamal Bayramov, Şəhriyar Əliyev, Tərlan Quliyev, Tərlan Əhmədli, Şakir Seyidov, Veysəl Rzayev, (Hər ikisi icarə), Xəyal Nəcəfov, Turan Vəlizadə (hər ikisi icarə), Eltun Turabov, Ehtiram Şahverdiyev, Piruzi Marakvelidze, İmeda Aşortia, Ayxan Hüseynov, Cavid Tağıyev, Vüsal Məsimov və Natan Oduvanı da heyətinə cəlb edib.
