Türkiyə Super Liqasında bu gün

Super Liqada 7-ci tura bu gün keçiriləcək 1 oyunla yekun vurulacaq.

Sportline.az xəbər verir ki, həftənin bağlanış oyununda "Kayserispor" "Beşiktaş"ı qəbul edəcək.

Meydan sahiblərinin heyətində Bilal Bayazıt, Məcid Huseyni, Antoni Uzodimma zədə üzündən oyunu buraxacaq.

Qonaqlarda isə cəzalı Artur Masuaku və zədəli Necip Uysal iştirak ərizəsinə daxil edilməyib.

Qeyd edək ki, Kadir Has stadionunda keçiriləcək görüş 21:00-da başlayacaq.