Arif Əsədov: "Qarabağ”ın şansı daha çoxdur"

“Qarabağ”a çətin rəqib düşüb. Əvvəlki illərdə nisbətən asan rəqiblər olurdu”.

Bu sözləri Sportline.az saytına açıqlamasında Azərbaycan millisinin köməkçi məşqçisi Arif Əsədov deyib. “Qarabağ”ın Çempionlar Liqasının I təsnifat mərhələsində Polşa çempionu “Lex”lə rəqib olmasına münasibət bildirən veteran futbolçu Ağdam təmsilçisinin şansını yüksək qiymətləndirib.

“Lex” Polşa çempionudur. Çox güclüdür. “Qarabağ”ın da gücünü nəzərə almaq lazımdır. Şəxsən mənə görə, “Qarabağ”ın şansı daha çoxdur. “Qarabağ”da oturuşmuş heyət var. Son mövsümdə də göstərdi ki, “Qarabağ” heyətini qoruyub saxlamaqla düz edib”.