Bakıdan qələbə ilə ayrılan klubda yeni baş məşqçi
"Marsel"in yeni baş məşqçisi açıqlanıb.
Sportline.az klubun rəsmi saytına istinadən xəbər verir ki, komanda İqor Tüdora həvalə olunub.
Xorvatiyalı mütəxəssislə 2 illik müqavilə imzalanıb.
44 yaşlı baş məşqçi bu vəzifədə 3 gün öncə istefaya göndərilən Xorxe Sampaolini əvəzləyib.
Qeyd edək ki, Sampaoli 2021-ci ilin fevralından komandaya rəhbərlik edirdi.
Xatırladaq ki, "Marsel" UEFA Konfrans Liqasının pley-off mərhələsinin hər iki oyununda "Qarabağ"a qalib gəlmişdi: 3:1;3:0.