"Cəbrayıl"ın qatılacağı yarışın iştirakçıları məlum oldu
Azərbaycanda keçiriləcək UEFA Region Liqasının qrup mərhələsinin bütün iştirakçıları müəyyənləşib.
Sportline.az xəbər verir ki, 2-ci qrupda yarışacaq "Cəbrayıl" komandasının rəqibi Belarusun "Kolos" kollektivi olacaq.
Bu rəqiblərin oyunları Şamaxı stadionunda keçiriləcək.
Bakıdakı "ASK Arena"da keçiriləcək 1-ci qrup görüşlərində isə Gürcüstanın "Basiani", Qazaxıstanın "Kaskelen" və Estoniyanın "Tallina Zapoos" komandaları mübarizə aparacaqlar.
Qrup oyunları iyunun 23-dən 29-dək keçiriləcək. Birinci qrupdan olan komandalar bir-biri ilə bir dəfə, ikinci qrupdakı komandalar isə iki dəfə üz-üzə gələcək. İyunun 29-da qrup qalibləri arasında keçiriləcək qarşılaşma onların hansı qruplara vəsiqə qazanacağını müəyyən edəcək.
