Çerçesov "Spartak"a qayıda bilər

Moskva "Spartak"ının uğursuz çıxışı rəhbərliyi yeni baş məşqçi axtarışına vadar edib.

Sportline.az championat.com-a istinadla xəbər verir ki, namizədlərdən biri Rusiya millisinin sabiq çalışdırıcısı Stanislav Çerçesovdur.

Futbolçu karyerası dövründə "Spartak"ın şərəfini qorumuş osetinin yenidən "qırmızı-ağlar"ın düşərgəsinə dönüşü gündəmdədir.

Son iş yeri "Ferensfaroş" olan Çerçesov məsələ ilə bağlı fikir bildirməkdən boyun qaçırıb.

O, MATÇ tv-nin efirində verilən sualı "Bağışlayın, bu mövzu haqqında danışmaq istəmirəm", - deyə cavablandırıb.