Həbib Maxaçev barədə: "Dünyanın ən yaxşı döyüşçüsü"
Əfsanəvi UFC döyüşçüsü Həbib Nurməhəmmədov İslam Maxaçevi növbəti qələbə münasibətilə təbrik edib.
Sportline.az xəbər verir ki, yüngül çəkidə sabiq UFC çempionu Nurməhəmmədov UFC 294 turnirində avstraliyalı Aleksandr Volkanovskini məğlub edən İslam Maxaçevi dünyanın ən yaxşı döyüşçüsü adlandırıb.
Bu barədə, o, sosial şəbəkə hesabında paylaşım edib: "Bu gün dünyanın ən yaxşı döyüşçüsü... Səni sevirəm qardaş! Məndən harada olduğumu və niyə orada olmadığımı soruşurlar. Bu suala artıq cavab vermişəm. Döyüşlərə getmirəm və MMA ilə bağlı hər şeyi tamamilə tərk etmişəm. Qardaşlarım, dostlarım və sparrinq tərəfdaşlarım kimi qərarımı qəbul etməyinizi xahiş edirəm. Komandamızın əldə etdiyi bu uğurlar tarixdə əbədi olaraq qalacaq”, – Həbib yazıb.
