"İnter" argentinalı ulduzla yeni müqavilə imzalayacaq

Lautaro Martinez karyerasını "İnter"də davam etdirəcək.

Sportline.az Sports.ru-ya istinadla xəbər verir ki, hücumçu "neradzurri"nin müqaviləni 2029-cu ilə qədər uzatmaq  təklifini qəbul edib.

Lautaronun yeni maaşı 9 milyon avro və bonuslar olacaq.

Qeyd edək ki, Martinez 2018-cu ildə  "Rasinq"dən "İnter"ə 25 milyon avro qarşılığında transfer olunub.Təcrübəli futbolçu İtaliya klubu ilə  çıxdığı 282 oyunda 129 qol vurub, 43 asistlə yadda qalıb.