İslam Maxaçevi yenidən döyüşə çağırdılar

UFC-də dünya çempionu olan İslam Maxaçev daha bir çağırışla qarşılaşıb.

Sportline.az "Sport24"ə istinadən xəbər verir ki, rusiyalı döyüşçü amerikalı Kolbi Kovinqtonun çağırışlarından danışıb.

"Mən başa düşürəm ki, Kovinqton həddini aşır. Bu, təbii ki, məni bir az narahat edir, çünki burada adət belə deyil. Amerikalıların özlərinə icazə verdiyi şeyləri biz qəbul etmirik. Döyüşmək istəyir? Hər şeyin vaxtı var" - deyə Maxaçev bildirib.

Qeyd edək ki, Maxaçev və Volkanovskinin revanş döyüşü oktyabrın 21-də Əbu-Dabi şəhərində keçiriləcək UFC 294 turnirində olacaq.