Kamil Hacıyev: "Maxaçev bu dəfə Volkanovskini daha inamlı məğlub edəcək"
"AMC Fight Nights" liqasının prezidenti Kamil Hacıyev böyük həyəcanla gözlənilən Maxaçev - Volkanovski duelindən danışıb
Sportline.az xəbər verir ki, UFC çempionu İslam Maxaçev (24-1) ilə Aleksandr Volkanovski (26-2) arasında keçiriləcək revanş görüşündə İslamı gavorit görür.
"İslam bu dəfə daha inamlı şəkildə qalib gələcək. Müxtəlif səbəblərə görə həmin döyüşdə əvvəlki İslamı göstərmək üçün sadəcə olaraq nəsə çatışmırdı. Amma İslam üçün psixoloji cəhətdən çətin olacaq. Tribuna faktoru var. Yaxın Şərqdəki tribunalar İslam üçün doğmadır: Rusiyadan, xüsusən Dağıstandan çoxlu insan gələcək; Yaxın Şərqdən gələn bütün insanlar yəqin ki, onun tərəfdarı olacaq" - deyə Hacıyev "YouTube" kanalında bildirib.
Qeyd edək ki, Maxaçev və Volkanovskinin revanş dueli oktyabrın 21-də BƏƏ-nin Əbu-Dabi şəhərində UFC 294- turnirində keçiriləcək.
