Komandamız Avropa çempionatında son oyuna çıxır

Bu gün Azərbaycanın futbol üzrə amputant millisi Fransanın Evian şəhərində təşkil olunan Avropa çempionatında sonuncu oyununa çıxacaq.

Sportline.az xəbər verir ki, milli 9-cu yer uğrunda qarşılaşmada Niderland kollektivi ilə üz-üzə gələcək.

Qarşılaşma Bakı vaxtı ilə saat 14:00-da star götürəcək.

Qeyd edək ki, qrup mərhələsində İrlandiya (0:1) və Türkiyəyə (1:12) uduzan milli İsraillə heç-heçə edib - 1:1. Komandamız ilk qələbəsini 9-16-cı yerlər uğrunda qarşılaşmada Yunanıstan millisi üzərində qazanıb - 2:1. Yığma 9-12-ci yerlər uğrunda matçda Şotlandiyanı eyni hesabla üstələyib.