Mahir Emreli Sloveniyada
Milli komandanın üzvü Mahir Emreli çıxış etdiyi Xorvatiyanın "Dinamo" (Zaqreb) komandasına qoşulub.
Sportline.az paytaxt təmsilçisinin rəsmi saytına istinadən xəbər verir ki, 25 yaşlı hücumçu təlim-məşq toplanışının əsas mərhələsi üçün bu gün komanda ilə birlikdə Sloveniyaya yollanıb.
Son ölkə çempionu hazırlıq çərçivəsində 2 yoxlama matçı keçirəcək. Rəqiblər Şimali Makedoniyanın "Şkendiya" klubu və yerli Trnava "Spartak"ıdır. Qarşılaşmalar müvafiq olaraq, iyunun 26-da və iyulun 1-də olacaq.
Qeyd edək ki, Mahir Emreli Azərbaycan millisinin UEFA Millətlər Liqasındakı oyunlarında iştirak etdiyi üçün "Dinamo"nun toplanışına gec qatılıb.
