Millətlər Liqası: Almaniya İngiltərəni qəbul edəcək, Türkiyə Litvanın qonağı olacaq

Bu gün UEFA Millətlər Liqasının qrup mərhələsində II turun növbəti oyunları keçiriləcək.

Sportline.az xəbər verir ki, A, B və C Liqalarında ümumilikdə 6 qarşılaşma baş tutacaq.

A Liqasının 3-cü qrupunda Almaniya İngiltərəni qəbul edəcək. Bundestim ilk matçda İtaliya seçməsi ilə heç-heçə edib, İngiltərə isə gözlənilmədən Macarıstana uduzub. Qrubun digər görüşündə Macarıstan İtaliyanın qonağı olacaq.

B Liqasının 3-cü qrupunda Finlandiya Monteneqro ilə, Bosniya və Herseqovina Rumıniya ilə üz-üzə gələcək.

Nəhayət, C Liqasının 1-ci qrupunda Türkiyə Litvanın, Lüksemburq Farer Adalarının qonağı olacaq.

UEFA Millətlər Liqası

A Liqası

3-cü qrup

22:45. Almaniya - İngiltərə

22:45. İtaliya - Macarıstan

Xal durumu: Macarıstan - 3, Almaniya - 1, İtaliya - 1, Ingiltərə - 0

B Liqası

3-cü qrup

20:00. Finlandiya - Monteneqro

22:45. Bosniya və Herseqovina - Rumıniya

Xal durumu: Monteneqro - 3, Bosniya və Herseqovina - 1, Finlandiya - 1, Rumıniya - 0

C Liqası

1-ci qrup

22:45. Farer Adaları - Lüksemburq

22:45. Litva - Türkiyə

Xal durumu: Türkiyə - 3, Lüksemburq - 3, Litva - 0, Farer adaları - 0