Milli komandanın heyəti açıqlandı

Azərbaycan güləş millisinin “Zaqreb Open” üçün ilkin heyəti bəlli olub.

Sportline.az xəbər verir ki, 2025-ci ilin ilk yarışına 14 pəhləvanımız sifariş edilib.

Sərbəst güləş millisi Xorvatiya paytaxtında tam heyətlə yollanacaq. 10 çəki dərəcəsində təmsilçilərimiz də medallar üçün mübarizə aparacaq.

Yunan-Roma güləşi üzrə millinin 4 üzvü də Zaqreb xalçasına çıxacaq. Qadın millimiz sifariş olunanların ilkin siyahısında yer almayıb.

Sərbəst güləş: İslam Bazarqanov (57 kq), Nurəddin Novruzov (61 kq), Əli Rəhimzadə (65 kq), Ramik Heybətov (70 kq), Ağanəzər Novruzov (74 kq), Əşrəf Aşırov (79 kq), Cəbrayıl Hacıyev (86 kq), Abubakr Abakarov (92 kq), Maqomedxan Maqomedov (97 kq), Giorgi Meşvildişvili (125 kq).

Yunan-Roma güləşi: Eldəniz Əzizli (55 kq), Ziya Babaşov (63 kq), Həsrət Cəfərov (67 kq), Ruslan Asif Abdullayev (72 kq).

Qeyd edək ki, turnir fevralın 5-9-da keçiriləcək.