"Neftçi" "Qəbələ" ilə görüşə itkilərlə çıxacaq

"Neftçi" komandası Azərbaycan Premyer Liqasında X turun "Qəbələ" ilə səfər oyununa futbolçu itkiləri ilə çıxacaq.

Sportline.az xəbər verir ki, bunu paytaxt klubunun baş məşqçisi Samir Abasov "Report"a açıqlamasında bildirib. Onun sözlərinə  görə, zədəli Stiven Monrozla yanaşı, kapitan Emin Mahmudov da qarşıdakı matçı buraxacaq.

Ayağında problemi olan 28 yaşlı yarımmüdafiəçi komanda ilə birlikdə məşqlərə gələn həftədən başlayacaq. Təcrübəli oyunçu zədə səbəbindən çempionatın son 2 turunun "Sumqayıt" (0:0) və "Qarabağ"la qarşılaşmalarında (0:6) da iştirak etməyib.

Qeyd edək ki, noyabrın 22-də keçiriləcək "Qəbələ" - "Neftçi" oyunu saat 14:00-da start götürəcək.