Paris-2024 Yay Paralimpiya Oyunlarının təqvimi açıqlanıb

2024-cü ildə Fransanın paytaxtı Parisdə təşkil olunacaq XVII Yay Paralimpiya Oyunlarının təqvimi açıqlanıb.

Sportline.az xəbər verir ki, avqustun 28-də paralimpiadanın rəsmi açılış mərasimi keçiriləcək.

Yarışlara isə avqustun 29-da paravelosiped, para-üzgüçülük və parataekvondo ilə start veriləcək.

Paralimpiya Oyunlarının bağlanış mərasimi sentyabrın 8-də baş tutacaq.

Qeyd edək ki, Paris-2024 Yay Olimpiya Oyunları isə iyulun 26-dan avqustun 11-dək keçiriləcək.