"Paris Open": İrina Zaretska finala vəsiqə qazanıb
Azərbaycanın qadın karateçisi İrina Zaretska "Paris Open 2022" turnirində finala vəsiqə qazanıb.
Sportline.az xəbər verir ki, 61 kq-da çıxış edən 26 yaşlı idmançı həlledici görüşdə fransalı Alizye Ajye ilə qarşılaşacaq.
Tokio-2020 Yay Olimpiya Oyunlarının gümüş mükafatçısı mübarizəyə 1/8 final mərhələsindən başlayıb. Əvvəlcə yerli karateçi Çayme Zaudjala qalib gələn ikiqat dünya və Avropa çempionu növbəti raundda kosovolu Festina Kurrini məğlub edib. Zaretska yarımfinalda isə Fransanın digər təmsilçisi Taliya Sombedən üstün olub.
Qeyd edək ki, final görüşü bu gün keçiriləcək.
