"Qarabağ" - "Ferensvaroş" görüşünə ucuz biletlər tükəndi

UEFA Çempionlar Liqasının III təsnifat mərhələsinin "Qarabağ" - "Ferentsvaroş" oyunu üçün ucuz biletlərin hamısı satılıb.

Sportline.az xəbər verir ki, iyulun 31-də elan edilmiş bilet satışından sonra 5 manat, 10 manat və 20 manat dəyərində olan biletlərin hamısı alınıb.

Yalnız 50 və 75 manat dəyərində olan biletlər satışda qalıb.

Qeyd edək ki, "Qarabağ" – "Ferentsvaroş" oyunu avqustun 3-ü saat 20:00-da başlanacaq. Görüş Tofiq Bəhramov adına Respublika Stadionunda keçiriləcək.