"Qəbələ"nin rəqibi heyəti gücləndirib

Avropa Konfrans Liqasının II təsnifat mərhələsində "Qəbələ"nin rəqibi olan "Fehervar" heyətini yeni futbolçu ilə gücləndurub.

Sportline.az xəbər verir ki, Macarıstan klubu "Zalaeqerseq"dən Nikola Serafimovu transfer edib. Bu barədə klubun rəsmi saytı məlumat yayıb.

22 yaşlı müdafiəçi ilə imzalanan müqavilənin detalları açıqlanmayıb.

Şimalı Makedoniya millisinin üzvü son mövsümdə "Zalaeqerseq"nin heyətində meydana çıxdığı 33 oyunda 4 qol vurub.

Qeyd edək ki, "Qəbələ" "Fehervar"a qarşı ilk oyununu iyulun 21-də səfərdə, cavab matçını isə bir həftə sonra doğma meydanda keçirəcək.