Tokio-2020: Hacı Əliyev, Stadnik və Şərifovun ilk rəqibləri bəlli olub
Azərbaycanın qadın güləşçisi Mariya Stadnik və sərbəst güləşçilər Hacı Əliyevlə Şərif Şərifovun Tokio-2020 Yay Olimpiya Oyunlarında ilk rəqibi bəlli olub.
Sportline.az xəbər verir ki,hər üç pəhləvan mübarizəyə 1/8 final mərhələsindən başlayacaq.
50 kq çəki dərəcəsində çıxış edən Stadnik və 97 kq çəkidəki Şərifov Rusiya Olimpiya Komitəsinin təmsilçiləri - müvafiq olaraq, Stalvira Orşuş və Abdulrəşid Sadullayevlə üz-üzə gələcək.
65 kq-da mübarizə aparan Əliyev isə seneqallı Adama Diatta ilə görüşəcək.
Qeyd edək ki, hər 3 güləşçi yarışa avqustun 6-da qoşulacaq.
