"Bavariya" ciddi itki ilə üzləşib

"Bavariya" ciddi itki ilə üzləşib.

Sportline.az xəbər verir ki, Münhen klubunun yarımmüdafiəçisi Aleksandr Pavloviç cərrahiyyə əməliyytına məruz qalıb.

"Ştutqart"la oyunda (4-0) çiynindən xəsarət alan futbolçunun əməliyyatının uğurlu alındığı bildirilir. 

"Əməliyyat yaxşı keçdi. Bacardığım qədər yaşıl meydanlara tez qayıtmağa çalışacağam", - deyə Pavloviç sosial şəbəkə hesabından azarkeşlərə səslənib.

Qeyd edək ki, sözügedən futbolçu bu mövsüm keçirdiyi 9 oyunda 1 qol və 1 asist müəllifidir.

Onun Münhen nəhəngi ilə 2029-cu ilədək müqaviləsi var.

Transfermarkt portalında Pavloviçin dəyəri 50 milyon avrodur.