“Bavariya” klubu Conatan Deyvidi transfer etmək istəyir
“Lill” klubunun kanadalı futbolçusu Conatan Deyvidin mövsümün sonunda klubdan ayrılacağı gözlənilir.
Sportline.az futbol jurnalisti Florian Plettenburqun paylaşımına istinadən xəbər verir ki, “Bavariya” klubu 2025-ci ilin iyun ayında Conatan Deyvidi azad agent kimi heyətinə qatmağı planlaşdırır.
“Lill” rəhbərliyi isə C.Deyvidi azad agent kimi transfer olmasına qarşıdır. Buna görə də 24 yaşlı futbolçunu yanvar ayında satışa çıxaracaq.
Fransa klubu Deyvid üçün 45 milyon avro tələb edir.
Qeyd edək ki, Conatan Deyvid “Bavariya”da çıxış etməyə müsbət yanaşır.
