"Bavariya" Noyerlə bağlı qərar verdi

"Bavariya" Manuel Noyerlə yola davam edəcək.

Sportline.az xəbər verir ki, münhenlilər 38 yaşlı qolkiperlə müqavilənin müddətini uzatmağa hazırlaşırlar.

Bu haqda "Sky Sport"un jurnalisti Florian Plettenberq X sosial şəbəkəsində məlumat paylaşıb.

Onun sözlərinə görə, "Bavariya"nın Alison Bekerlə maraqlandığı ilə bağlı xəbərlər həqiqəti əks etdirmir.

Noyerlə yeni müqavilənin müddəti 2026-cı ilədək olacaq. 

Onun hazırkı anlaşması mövsümün sonunda başa çatacaq.

Transfermarkt portalında Noyerin qiyməti 4 milyon avro kimi göstərilir.